“Ti vetëm feministë që nuk je” ishte komenti që Melinda Ademi i bëri Dafina Zeqirit duke i dalë në krah Sara Hoxhës në debatin që kjo e fundit kishte me këngëtaren.
Mirëpo, këtij debati virtual i është bashkuar edhe këngëtarja Doruntina Shala, e njohur me emrin e artit Tayna, e cila përmes një postimi në rrjetet sociale ka “thumbuar” dy vajzat.
“Shumë drama të panevojshme, si nuk po përtojnë”, ka shkruar Tayna duke i quajtur ato të panevojshme.
Kujtojmë që zënka mes Dafinës dhe Sarës rinisi disa ditë më parë, teksa kjo e fundit gjatë një interviste tha se gjithçka nisi nga një koment i partnerit të saj, Ledri Vulës në postin e këngëtares.
“Nuk e di pse ajo u mërzit aq shumë. Ka qenë një koment që Ledri ka bërë tek një post i Dafinës. Unë, e mora si shaka. Domethënë, unë si partnerja e Ledrit nuk e mora me idenë që ai po e ngacmon apo diçka e tillë. Vërtetë që nuk e di pse u mërzit, pse foli për njerëz mosmirënjohës sepse unë Dafinën nuk e kam shfrytëzuar kurrë”, u shpreh ajo.
Ndërsa menjëherë pas kësaj erdhi edhe reagimi i Dafinës e cila u shpreh: “Vajzë, kujdesu për fëmijën dhe “burrin” tënd! Mos e përmend më emrin tim. Sa e vështirë mund të jetë? Je shumë e fiksuar, qetësohu!”
